三姑六婆喜迎【蔥】

昨天，三姑約了六婆到百老匯電影中心看韓國動畫【初戀青蔥歲月】(Green Days)，二人在午飯時間通電話，商量到哪兒吃晚飯：

三姑：六婆，我要食好嘢！

六婆：乜嘢先叫好嘢呀？

三姑：唔，我尋晚加班，同同事講要食好嘢，結果落樓買咗個餐蛋公仔麵~

六婆：吓？咁就去食魚蛋粉算啦！

六婆當然不會那麼殘忍，帶三姑去食魚蛋粉了事。二人最後決定到和亭吃晚飯。到了和亭，各自看餐牌：

六婆：噢，個「茶抹」雪糕好吸引喎。

三姑：茶抹？乜嚟架？(看餐牌) 係「抹茶」雪糕呀傻婆！

六婆：嘻，我用咗倒裝句之嘛。

三姑：(無語)

落了單，等餐點之際，二人聊起最近看過甚麼電影：

六婆：嘩，套【那些年】好鹹濕呀，都唔明點解個個都讚好。

三姑：個結局拍得唔錯吖，我睇到喊唔停。

六婆：咁誇張？係喇，我哋今晚睇乜嘢呀？

三姑：咪卡通片囉。

六婆：我夠知囉，乜名呀？

三姑：哦，叫【初戀「鹹濕」歲月】呀。

六婆：(冒汗)

對三姑來說，「六婆」除了等同「美食」之外，還是歡樂的泉源。